அன்புடன் வரவேற்கிறேன்

நண்பர்களே ! உங்கள் அனைவருக்கும் வணக்கம். என் கவிதைகள் உங்களின் வாசிப்பிற்கு தவம் இருக்கின்றன. ஆம் நீங்கள் வாசிக்கத் துவங்கினால் என் கவிதைகள் சுவாசிக்கத் துவங்கும்... நன்றி...

10 September, 2013

மௌனங்கள் உயிர்த்தெழுந்தால் ♥ பகுதி 12



பறவைகளிடமிருந்து மொழி உருவாகியதாம்
உனது விழிகள் பேசும் மொழியினை அறிய
உலகம் முழுவதுமுள்ள பறவைகளின்
தமிக்குழு ஒன்று அமைத்திருகிறேன் !



உன் விழி இமைக்கும் நேரம்
எனது இதயம் துடிக்கிறது
உனது விழி வியந்த நேரம்
நமது காதல் உருவானது !



மொழி பற்றாளன்
இன்று விழி பற்றாளனாயி போனேன்
விழி மைதொட்டு
வீடு செல்லும் வழியெங்கும்
கவிதைகள் சொல்கிறேன் !



எந்த விரல் கொண்டு
விழிகளுக்கு மையிடுகிறாய்
விரல் நகத்திற்கிடையே
உலக வங்கியில் சேமிப்பு வைத்திருக்கிறது
விழிகளின் குறிப்பினை !



தூணில் சாய்ந்து கொண்டு
எனக்கான கவிதை வடிப்பின் போது
நீ அணிந்திருந்த மூக்கு கண்ணாடியினால்
விழி இடை தீண்ட தவித்து இயலாததால்
முற்றும் துறந்த தென்றல் என்னோடு மன்றாடியது
மாறிக்கொள்ள..!



புயல் விரும்பும் தென்றல் நீ !
எந்த திசையில் நடக்கிறாயோ
அந்த திசையெங்கும் காற்றின் தசைகள்
அனைத்தும் புத்துணர்வு பெற்கின்றன !



நான் இல்லாத போது கோபம் வருமாயின்
என் பெயர் சொல்லி கட்டிக்கொள்ள
பொம்மை வாங்கி தந்தேன்..
நித்தம் பதுமைகளிடம் வேண்டுகிறேன்
சத்தம் உன் மனதிலே வரக்கூடாதென !



உனது பெயரில் சந்திரனில்
நற்பணி மன்றம் துவங்க
விழிகளின் ஒப்புதல் வேண்டி
மலர்களோடு காத்திருக்கிறேன் மலரே
மன்றமே மன்றாடுகிறது
விழிகளே !



எந்த அளவினை கொண்டு உன் மீதான எனது காதலை குறிப்பெடுக்க
அத்தனையும் அளவில் குன்றியதாய் தெரிகிறது
இத்தனைதான் கணிதம் போல !



வண்ணத்துபூச்சி போல
விழிகளோடு விழிநோக்கும் நமது காதலை
தேவ லோகத்தில் பாடமாக்க போகிறார்களாம் !



09 September, 2013

மௌனங்கள் உயிர்த்தெழுந்தால் ♥ பகுதி 11





உன்னை பார்த்து கொண்டே ராட்டினம் சுற்றுகிறதே
அதற்கு தலை சுற்றாதா
விழிகள் முளைத்த ராட்டினமே
நீ மட்டும்தான் இமைப்பதில்லை !



ஆளே இல்லாத வயக்காட்டில்
ஆள் காட்டி விரலை கோர்த்துகொண்டு
கவிதை பேசிக்கொண்டே நடக்கிறோம்
காற்றே நம்மை பின் தொடரும்
கவிதைக்கான குறிப்பு எடுத்துக்கொள்ள !



என்னை கண்டதும் மறைந்து நிற்கையில்
உனது வெட்கத்தின் சாரலில்
எனது இதயத்தின் பரப்பளவு நனைந்து கிடக்கிறது



எதனால் செய்த தூரிகை கொண்டு
பிரம்மன் துருவம் கொடுத்தானோ
அத்தனையும் அழகாகவும் ஆபத்தாகவும்
அமைதியாய் வெடிக்கின்றதே !



உன் விழி சரணடைய காத்திருக்கும்
என் விழிக்கொன்னாலும் இத்தனை கர்வம் அதிகமடி
இமைக்க மறுக்கிறது
என்னை கடந்து செல்கையிலே !



திருவிழா கூட்டத்தில் யாருக்கும் தெரியாமல்
கைமாறிய ரோஜாவினை சித்தியின் தலைமையில்
அமைந்த சிறப்பு பிரிவு கண்டுபிடித்துவிட்டது
அத்தைகென்று சொல்லி அவள் வீட்டில் பறித்த ரோஜா அது !



இந்த மடலோடு நான் உனக்கு எழுதியது
10001 என புள்ளியியல்துறை கணக்கிலிட்டு
மடல் எழுதும் முறையை
பின்பற்றிய நமக்கு தபால்தலை வெளியிட
தபால்துறை சிறப்பு ஏற்பாடு செய்துவருகிறது !



உனக்கு மிதிவண்டு சொல்லி கொடுத்தவன்
என்கிற முறையில் சொல்கிறேன்
நமது வாழ்க்கை பயணத்தில் சுமை தாங்கிட
இமையினால் வலி தாங்கிடவும் நீ தயார்தானென்று.



நீ கட்டி தந்த சேலையினை அனைத்தபடி
உச்சி வெயில் வரை உறங்கி போனேனடி
மேலிருந்து சூரியன் கேட்கிறான்
நிலவினோடு இன்னும் என்ன கனவா..!



உன் விரல் கடித்த
எனது பற்களிடம் கேட்கிறேன்
என்ன சொல்ல கடித்தாயென
என்னென்னமோ சொல்கிறது
இறுதியாக நீ வைத்த சாம்பாரின்
முருங்கைகாய் என கடித்து விட்டதாம் !



07 June, 2013

மௌனங்கள் உயிர்த்தெழுந்தால் ♥ பகுதி 10





வெண்ணிலவும் காவல் நிற்கும்
மாலையிலே நீ தலை குளித்து
மல்லிகை மொட்டு சூடி
விளக்கினிற்கு ஒளி தருகையிலே !



வியாழனில் நூற்பாலைகள் அமைத்து
விண்வெளி சுற்றுப்பயணம் செய்து
சேகரித்த விண்மீன்களை
சேலையிலே ஆங்காங்கே
ஆய்வு செய்து நட்டிருகிறேன்
பிறந்தநாள் பரிசுக்காக !



புளூட்டோவிற்கு தனிக்குடித்தனம்
போய்விடலாம் என்றேன்
அங்கே குளிர் அதிகம்
உன் குறும்புகளும் அதிகம் என்கிறாய் !



பூமியிலே நீ சுற்றி பார்க்க
பயணம் ஏதும் செய்யாததால்
மனம் உடைந்த பூமி
தன்னை தானே சுற்றி காட்டுகிறது உனக்கு !



நீ இட்ட மரமாகி விட்டதே
உன் இதயத்தில் நான் இட்ட விதையின்
முளை குறுத்து குறிப்பு அறிய வேண்டுகிறேன் !



நீ நடந்து செல்லும் இடமெங்கும்
மரக்கன்றுகள் நட்டிருகிறேன்
உன் நிழல் வாடாமல் இருக்க
நிஜமோ பஞ்சாயத்தாரின் அசோகன் நானாகி போனேன் !



உன் விழி கதிர்வீச்சினால்
என் இதயத்தில் காதல் வளரதானே செய்கிறது
பின் அணுகதிர்வீச்சுகொன்ன
இத்தனை போராட்டமோ !



மொட்டை மாடியில் உனது மடியில்
தலை வைத்து படுத்திருக்கும் போது
விரல் நீட்டி நிலவு பாரு என்கிறாய்
நிலவே நான் உனது மடியில் தானே கிடக்கிறேன் !



எனது முதுகினில் உனது முதுகினை சாய்த்து
எப்போதும் புத்தகம் படிக்கிறாய்
நான் உன் இதயம் பேசும் கவிதைகளை
எனது முதுகொலும்பில் சேர்த்து வைக்கிறேன் !



உன்னை பார்க்கும் போது
இளையராஜாவின் இசை கேட்கவில்லை
தென்றலின் தாளம்தான் கேட்கிறது
எத்தனை தாளங்களடி
உன்னை பார்க்கும் போது தென்றலுக்கு
காற்றுக்கு தேசிய விருது கிடைக்கும் வாய்ப்பு உறுதி !



06 June, 2013

மௌனங்கள் உயிர்த்தெழுந்தால் ♥ பகுதி 9





உன்னை நினைக்காத நாளில்லை
என்பது கணிதத்தின் சரியான கூற்று இல்லை
நினைத்திடாத நாளிகை இல்லை
என்பதே சரியான தீர்வு !



நீ தேவதையும் இல்லை
அரக்கியும் இல்லை
குறிஞ்சு மலர்கள் கூடி பேசிடும்
மலரே நீயடி !



எனது கவிதைகள்
உனது விழிகளால் சலவை செய்யப்பட்டு
தினம் தினம் புதுமையாய்
நிறப்பதிவுகளை துயிலில் இருந்து எழுப்புகின்றன !



என்னை ஊருக்கு அனுப்பும் போது
விழிகள் நிரப்பும் வித்தியினை
எங்கிருந்து கற்று கொண்டனவோ உனது விழிகள்
அழாதே அழுதுவிடுவேன் நானும் !



உன்னோடு பயணம் செய்யும்போது
உன்னையே வாகனம் செலுத்த சொல்வதுண்டு
இமைக்கும் உனது விழியழகை
இமைக்காமல் பார்ப்பதற்காக !



எனது மீசைக்கும்
உனது புருவத்திற்கும் காதலாம்
உனது கண்களோடு என் இதழ்கல்
காதலை வெளிப்படுத்தியதிலிருந்து !



கற்காலம் படித்துவிட்டேன்
கண்ணகி காலமும் படித்து விட்டேன்
இப்போது கனவுகளில்
உனக்கு கணவனாகும் காலம்
பற்றிய குறிப்பு சேகரித்துக் கொண்டிருக்கின்றேன் !



நீ மஞ்சள் பூசிய நாளிலிருந்து
மற்ற கிழங்குகள் அனைத்தும்
நிறமற்ற நோய்காக மருந்து வேண்டி
மருத்துவரிடம் தஞ்சம் புகுந்துள்ளன !



மாத விளக்கு பூசையில்
மின்சாரம் தொடர்பு துண்டித்துபோக
விளக்கொளியில் ஒரு நிமிடம் திகைத்து போனேனடி
அம்மனே அமர்ந்திருப்பது போல நீ !



நான் வேட்டி கட்ட பழகி தந்தேன்
பயத்தில் எனை கட்டிக்கொள்ள
யார் பழகி தந்தார்களோ
இது அன்னிச்சை செயலென ஆய்வுகள் கருதுகின்றன !



05 June, 2013

மௌனங்கள் உயிர்த்தெழுந்தால் ♥ பகுதி 8





எனது கவிதையில் ஏற்படும்
வானிலை மாற்றங்கள் அத்தனைக்கும்
உனது பெயரையே எனது பேனா முன்மொழிகின்றது !



காலையில் நீ கோவில் செல்லும் வழி
தெருக்கள் அனைத்திலும் காற்றின் முனுமுனுப்புகள்
காதோரம் களைப்பாரிட கண்டேன்
தென்றலினை தழுவி செல்லும் தென்றல் நீயென !



மொட்டுகள் பிறந்து விரிந்து
உனது கூந்தல் விட்டு விலகும் சோகத்தில் வாடி
காவி நிறம் அணிந்ததை கண்டேன்
வினவிய போது மொட்டுகள் மனம் திறக்கும் இடம்
உனது தலைமுடி என குறிப்பு கிடைத்தது !



மழித்தலில் ஆர்வம் இல்லையடி என்றேன்
உச்சி வெயிலென கூட பாராமல்
எனது கண்ணங்களை பதம் பார்த்தது
உனது அப்பாவின் முகம் துடைக்கும் கத்தி !



நீ வளையல் களையும் வேளையில்
மணிக்கட்டிடம் வேண்டுகிறது வளையல்
வழிவிடாதே என்றும்
வளைந்து கொடுக்காதே என்றும் !



முத்துமணி வைத்த காதணி அணிவது
நீயாக மட்டும்தான் இருக்கும்
எனது பெயர் கொண்ட அணிகலன்கள் அணிவதென
காதல் சட்டத்தில் திருத்தம் கொண்டுவந்துள்ளாயாமே !



உனது விழிகளிரண்டும்
கவிதையாக பிறந்தவை என்பதை
மெய்ப்பிப்பது போல அவ்வப்போது
குறிப்பிட முடியாத சில அலைவரிசை எண்ணில்
எனது விழிகளோடு ஆரவாரம் செய்யும் !



பேராரவாரத்துடன் காத்திருந்தோம்
மாலை நான்கு மணி வரை
நானும் உனது வீட்டு நாய் குட்டியும்
வந்ததும் நல்ல துணையோடு காத்திருகிறாய் என்றாய்
இல்லையடி நல்ல துணைக்காக காத்திருக்கிறேன் என்றேன் !



அடுத்த தெரு அங்காடிக்கு அவசரமாய் வாவென்று
குறுஞ்செய்தியி அனுப்பியிருந்தாய்
பதபதைத்து வர ஊரெங்கும் விற்காத
உனக்கு பிடித்த தேன் மிட்டாய் இங்கு கிடைக்குமென்றாய் !



நாகரிகம் கலந்த இன்றைய சூழலிலும்
என்னை பெயர் சொல்லி அழைக்க மறுத்து
பண்பாடு மறவாது பகுத்தறிந்து பேசிடும்
புதுமையே நீ தமிழ் பதுமை என்பதில் ஐயமில்லை !



04 June, 2013

மௌனங்கள் உயிர்த்தெழுந்தால் ♥ பகுதி 7





உனது பெயரை சொல்லும்
மண் சிலை ஒன்றினை
எனது வீட்டு அலமாரியில் குடியிருத்திருக்கிறேன்
அடுக்களை வரை உனது குடியுரிமை
பெறும் வரையில் இருந்துவிட்டு போகட்டுமே !



காற்றாடி கண்டுபிடித்தவன் நானாகியிருந்தால்
உனது காதோர தலைமுடியின்
முதல் விதி என்று பதிவு செய்திருப்பேன் !



நான் படிக்கும்
இரண்டு பக்க நாளிதழ் நீயடி !
முதல் பக்கத்தினையே இன்னும்
எழுத்துக்கூட்டி வாசித்து கொண்டிருக்கிறேன் !



வாரத்தின் மலர் என்பதை
என்னால் ஏற்க முடியவில்லை
வானத்தின் மலர் என்பதே
சரியான கூற்று ஆகும் !



மலரின் மென்மையினை
உன் விரல் பிடித்து
இடுப்பளவு வளர்ந்திருந்த
பருத்திகிடையே நடந்த போது
சற்று முன் வெடித்த இளவம் பஞ்சின்
இனம் சொன்னதடி எனக்கு !



மீன்களுக்கு அன்னமிடும்
கயல்மீன் விழியாளை கண்ட
கொக்குகள் அனைத்தும் நீரின் மேல்
ஒற்றை காலில் தவம் கிடக்கின்றனவாம் !



இரண்டு அடிகளில் உனக்காக
எழுத முயன்று தோற்கிறேனடி
வள்ளுவனே மனைவிக்கு
நான்கு அடிகளில்தான் எழுதியிருக்கிறார் !



உனது இமைகளுக்கான கர்வம்
எனது பேனாவுக்கும் வந்திருப்பதாக தெரிகிறது
அதிகமாக உனது விழிகளை பற்றியே
ஆராய்ந்து கொண்டிருப்பதால் !



நான் வெறுத்த மீன் உணவை
நீ நிறுத்தியது அறிந்து
மீன்கள் நீர் துறந்து உண்ணாவிரதம் இருக்க
அனைத்துவகை மீன்கள் சங்கமும்
அறிவிப்பு வெளியிட்டுள்ளது !



உனை பார்த்ததுமே
காதல் சுரப்பிகள் அனைத்தும்
அன்னிச்சை செயலென
ஆதரவு கொடி தூக்கி
காதல் அணுக்களுக்கு எல்லாம்
ஆயுதம் விநியோகம் செய்கின்றது !



30 December, 2012

மௌனங்கள் உயிர்த்தெழுந்தால் ♥ பகுதி 6



எங்கிருந்து கற்றுக்கொண்டனவோ
உன் விழிகள் வெட்கத்தினை
என்னை வெட்கப்படவைப்பதில்
மருத்துவப்பட்டம் பெற்றுவிட்டது !



வீட்டை விட்டு கிளம்பும்போது
ஐம்பது அடி இடைவெளி
ஐயர் தெரு வரும்போது
ஐந்து அடி இடைவெளி
கோவில் வாசலில்
காலணிகளை ஒன்றாக கழற்றி வைக்கின்றோம்
கடவுளே காதல் கோட்பாட்டினை
கற்று விட்டேன் நானும் !



உனது கண்ணக்குளியில்
சேமித்து வைத்திருக்கும் நமது காதலை
உனது அண்ணன் வீட்டு
மாமரத்தில் இருக்கும் தேனீக்கள் திருடி செல்ல
வரைபடம் கொண்டு ஆலோசனை செய்து வருகிறதாம் !



என்னை கண்டதும் மறைந்து நிற்கையில்
உனது வெட்கத்தின் சாரலில்
எனது இதயத்தின் பரப்பளவு நனைந்து கிடக்கிறது !



பரிணாம வளர்ச்சிக்கு சிறந்த எடுத்துக்காட்டு
நமது காதல் போதுமே..நாம் எனும்
சொ(செ)ல் கொண்டு தொடங்கியது !



உனது விழிகளை பற்றி எழுவதனால்
கருவம் கொண்டு எனது பேனா
வேறெதுவும் எழுதிடாமல் பேனாவோடு
அணிசேராமல் அமைதி காக்கிறது !



காதலினை உட்கொண்டு
புன்னகைக்கும் உன் இதழ்களுக்கு
வியர்வையின் கோட்பாடு தெரியாமலிருக்கலாம்
ஆனால் தேனின் மூலக்கூறு வாய்பாடு தெரியும்போல..!



எனக்கான கவிதை வடிப்பில்
ஆழ்ந்து நீ சிந்திக்கும் போது
கவனிப்பின்றி கிடந்த காகிதங்கள்
காற்றினோடு சண்டையிட்டு
உன் முன்னால் மண்டியிட்டு கிடக்கின்றன !



எனது சொக்காப்பை நண்பனை
இரு விரல்களுக்கிடையே நிறுத்தி
ஒரு விரல் கொண்டு அழுத்தி
அழகாக கிறுக்குகிறாய் மௌனத்தினை
மற்ற ஏழு விரல்களின் அனல் கொண்ட பார்வையினை
தாங்கமுடியவில்லை பேனா மையது
விரைவு தந்தியினை அனுப்பியிருக்கிறது !



சற்று முன் இறந்த
உனது உதட்டு சொற்கள் அனைத்தினையும்
காற்று குறிப்பு எடுத்து சென்றுள்ளது
காற்றின் ஆண்டுவிழாவில்
வெளியிடப்பட இருக்கும் வரலாற்று நாவலில்
அட்டைபடம் உனக்கென ஒதுக்கப்பட்டுள்ளதாம்
சிறப்பு விருந்தினராக எனக்கும் அழைப்பு உண்டு !



ஆசையாய் உனக்கென கரையாளர் தோப்பில்
மாங்காய் திருடிவந்தேன்
பத்திரமய் அரிசி பானைக்குள் வைத்துவிட்டாய்
முறைத்து பார்த்தோம் நானும் மாங்காவும்
பாதி கடித்து நீ தருவாய் என எதிர்பார்த்திருந்தோம் !